Plus One single Window 2025

Plus One Single Window Admission-2025

ഈ വർഷത്തെ പ്ലസ് വൺ പ്രവേശന നടപടികൾ 2025 മെയ് മാസം 14 മുതൽ ആരംഭിക്കുകയാണ്. അപേക്ഷ നൽകേണ്ട അവസാന തീയതി മെയ് മാസം 20 ആണ് . ഇതുമായി ബന്ധപ്പെട്ട് കുട്ടികളൂം അധ്യാപകരും അറിഞ്ഞിരിക്കേണ്ട പ്രധാനപ്പെട്ട കാര്യങ്ങൾ ഇതോടൊപ്പം ചേർക്കുന്നു.

Plus One അഡ്മിഷനുമായി ബന്ധപ്പെട്ട വിവരങ്ങളും  Plus One സ്റ്റഡി നോട്ടുകൾ വീഡിയോ ക്ലാസുകൾ, മോഡൽ പരീക്ഷകൾ എന്നിവ ലഭിക്കാൻ ഈ വാട്ട്സ്ആപ്പ് ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

1.കുട്ടികൾ ഏകജാലക അപേക്ഷകൾ ഓൺലൈനായി ആണ് സമർപ്പിക്കേണ്ടത്. അപേക്ഷകർക്ക് സ്വന്തമായോ, അല്ലെങ്കിൽ പത്താം തരം പഠിച്ചിരുന്ന ഹൈസ്‌കൂളിലെ കമ്പ്യൂട്ടർ ലാബ് സൗകര്യവും അദ്ധ്യാപകരുടെ സഹായവും അതുപോലെ തന്നെ ആ പ്രദേശത്തെ ഗവൺമെന്റ് / എയ്ഡഡ് ഹയർസെക്കണ്ടറി/വൊക്കേഷണൽ ഹയർ സെക്കണ്ടറി സ്‌കൂളുകളിലെ കമ്പ്യൂട്ടർ ലാബ് സൗകര്യവും അദ്ധ്യാപകരുടെ സഹായവും പ്രയോജനപ്പെടുത്തി പ്ലസ് വൺ പ്രവേശനത്തിനുള്ള അപേക്ഷകൾ ഓൺലൈനായി സമർപ്പിക്കാവുന്നതാണ്.

2.CBSE മാത്തമാറ്റിക്സ് standard പഠിച്ചകുട്ടികൾക്ക് മാത്രമേ ഹയർസെക്കന്ററിയിൽ സയൻസ് കോമ്പിനേഷൻ തെരഞ്ഞെടുക്കാൻ സാധിക്കൂ.

3. http://www.admission.dge.kerala.gov.in എന്ന വെബ്‌സൈറ്റിൽ   പ്രവേശിച്ച്  കുട്ടികൾക്ക് VHSE & ഹയർസെക്കണ്ടറി വിഭാഗത്തിലേയ്ക്ക് അഡ്മിഷന്അപേക്ഷിക്കാം. ഹയർസെക്കണ്ടറിയുടെ ലിങ്കിൽ കയറിയ ശേഷം, CREATE CANDIDATE LOGIN-SWS എന്ന  ലിങ്കിലൂടെ കുട്ടികൾക്ക് ക്യാൻഡിഡേറ്റ് ലോഗിൻ create ചെയ്യാം. ഇതിന് ഒരു മൊബൈൽ നമ്പർ വേണം. ആ മൊബൈൽ നമ്പർ നൽകുമ്പോൾ ലഭിക്കുന്ന  OTP ഉപയോഗിച്ച് കൊണ്ട് പുതിയ പാസ്സ്‌വേർഡ് കുട്ടികൾക്ക് നൽകാം. ഈ പാസ്സ്‌വേർഡും അപ്പ്ലിക്കേഷൻ നമ്പറും കുട്ടികൾ ഓർത്ത് വയ്ക്കണം. അത് പോലെ ഉപയോഗത്തിലുള്ള മൊബൈൽ നമ്പർ തന്നെ നൽകണം.

4.അതിന് ശേഷം candidate ലോഗിനിലെ apply online എന്ന ലിങ്കിലൂടെ കുട്ടികൾക്ക് അപേക്ഷ സമർപ്പിക്കാം.

5.ഒരു കുട്ടിക്ക് ഒരു ജില്ലയിൽ ഒരു അപേക്ഷ മാത്രമേ നൽകാൻ സാധിക്കൂ. വ്യത്യസ്ത ജില്ലകളിൽ വ്യത്യസ്ത ആപ്‌ളിക്കേഷനുകൾ നൽകണം.

6.എയ്ഡഡ് സ്കൂളുകളിൽ  മാനേജ്‌മെന്റ് സീറ്റിൽ അഡ്മിഷൻ നേടാൻ കുട്ടികൾ പ്രത്യേകം അപേക്ഷ ഫാറം  സ്കൂളിൽ നിന്നും വാങ്ങി അതാത് സ്കൂളിൽ തന്നെ നൽകേണ്ടതാണ്.

7.മുഖ്യഘട്ടത്തിലെ അലോട്ട്‌മെന്റുകളുടെ എണ്ണം രണ്ടിൽ നിന്ന് മൂന്നായി വർദ്ധിപ്പിച്ചു.

9.ടൈ ബ്രേക്കിങിന് - എൻ.റ്റി.എസ്.ഇ. (നാഷണൽ ടാലന്റ് സെർച് പരീക്ഷയിലെ) മികവിനൊപ്പം  എൻ.എം.എം.എസ്.എസ്.ഇ (നാഷണൽ മെരിറ്റ് കം മീൻസ് സ്‌കോളർഷിപ്പ് സ്‌കീം പരീക്ഷ ), യു.എസ്.എസ്, എൽ.എസ്.എസ്. പരീക്ഷകളിലെ മികവുകൾ കൂടി ഉൾപ്പെടുത്തി.

കേരളത്തിലെ  ഹയർസെക്കൻഡറി സ്കൂളുകളുടെ സ്കൂൾ കോഡും ,കോമ്പിനേഷനും അറിയാൻ ഈ ലിങ്കിൽ ക്ലിക്ക് ചെയ്യുക. 

പ്ലസ് വൺ അഡ്മിഷനുള്ള ഏകജാലക അപേക്ഷ സമർപ്പിക്കുന്നത്തിനുള്ള വീഡിയോ ക്ലാസ്......

സപ്ലിമെന്ററി  ഘട്ടം 

മുഖ്യ ഘട്ടം കഴിഞ്ഞാൽ പുതിയ അപേക്ഷകൾ ക്ഷണിച്ച് സപ്ലിമെന്ററി അലോട്ട്‌മെന്റുകളിലൂടെ ശേഷിക്കുന്ന ഒഴിവുകൾ നികത്തി 2025 ജൂലൈ 23 ന് പ്രവേശന നടപടികൾ അവസാനിപ്പിക്കുന്നതായിരിക്കും.

സ്‌പോർട്ട്‌സ് ക്വാട്ട അഡ്മിഷൻ

സ്‌പോർട്ട്‌സ് ക്വാട്ട അഡ്മിഷൻ രണ്ട് ഘട്ടങ്ങൾ ഉൾപ്പെട്ട ഓൺലൈൻ  സംവിധാനത്തിൽ ആയിരിക്കും. ആദ്യ ഘട്ടത്തിൽ സ്‌പോർട്ട്‌സിൽ മികവ് നേടിയ വിദ്യാർഥികൾ അവരുടെ സ്‌പോർട്‌സ് സർട്ടിഫിക്കറ്റുകൾ അതാത് ജില്ലാ സ്‌പോർട്ട്‌സ് കൗൺസിലുകളിൽ ഓൺലൈനായി രജിസ്റ്റർ ചെയ്യേണ്ടതാണ്. രണ്ടാം ഘട്ടത്തിൽ പ്ലസ് വൺ അഡ്മിഷന് യോഗ്യത നേടുന്ന വിദ്യാർഥികൾ സ്‌പോർട്ട്‌സ് ക്വാട്ടയിൽ അഡ്മിഷൻ ലഭിക്കുന്നതിനായി അവരുടെ അപേക്ഷ സ്‌കൂൾ/കോഴ്‌സുകൾ ഓപ്ഷനായി  ഉൾക്കൊള്ളിച്ച് ഓൺലൈനായി സമർപ്പിക്കണം. ഏകജാലക സംവിധാനത്തിന്റെ മുഖ്യ ഘട്ടത്തോടൊപ്പം രണ്ട് അലോട്ട്‌മെന്റുകളും ഒരു സപ്ലിമെന്ററി അലോട്ട്‌മെന്റും സ്‌പോർട്‌സ് ക്വാട്ടാ പ്രവേശനത്തിനായി ഉണ്ടായിരിക്കുന്നതാണ്.

7.ബോണസ് പോയിന്റിന് അർഹതയുള്ള വിഭാഗങ്ങൾ

a) കൃത്യ നിർവ്വഹണത്തിനിടയിൽ മരണമടഞ്ഞ ജവാന്മാരുടെ  മക്കൾക്ക് : 5 പോയിന്റ് 

b) ജവാൻമാരുടേയും എക്സ്-സർവ്വിസുകാരുടേയും (ആർമി നേവി എയർ ഫോഴ്സ് മുതലായവ മാത്രം) മക്കൾക്ക്/  നിയമപരമായി അവർ ദത്തെടുത്ത് മക്കൾക്ക് : 3  പോയിന്റ് 

c) എൻ.സി.സി (75 ശതമാനത്തിൽ കുറയാത്ത ഹാജർ കേഡറ്റിനുണ്ടെന്ന സർട്ടിഫിക്കറ്റ് ഹാജരാക്കിയിരിക്കണം സ്കൗട്ട് ഗൈഡ് (രാഷ്ട്രപതി പുരസ്കാർ രാജ്യപുരസ്കാർ നേടിയവർക്ക് മാത്രം) നീന്തൽ അറിവ് (അപേക്ഷകൻ ജില്ലാ സ്പോർട്സ് കൗൺസിലിന്റെ സർട്ടിഫിക്കറ്റ് ഹാജരാക്കിയിരിക്കണം) സ്റ്റുഡന്റ് പോലിസ് കേഡറ്റുകൾ:  2  പോയിന്റ്

d) A ഗ്രേഡ് സർട്ടിഫിക്കറ്റുള്ള ലിറ്റിൽ കൈറ്റ്സ് അംഗം : 1  പോയിന്റ് 

e) അതേ സ്കൂളിലെ വിദ്യാർത്ഥി : 2  പോയിന്റ്

f) അതേ ഗ്രാമപഞ്ചായത്ത് മുനിസിപ്പാലിറ്റി/കോർപ്പറേഷൻ: 2  പോയിന്റ്

g) അതേ താലൂക്ക്: 1  പോയിന്റ് 

h) ഗവ:/എയിഡഡ് ഹയർസെക്കൻഡറി സ്കൂളുകളില്ലാത്ത ഗ്രാമപഞ്ചായത്തിലെ വിദ്യാർത്ഥികൾക്ക് അതേ താലൂക്കിലെ മറ്റ് സ്കൂളുകളിൽ നൽകുന്ന ഗ്രേഡ് പോയിന്റ് :2  പോയിന്റ്

i) കേരള സംസ്ഥാന ബോർഡ് നടത്തുന്ന പൊതു പരീക്ഷയിൽ എസ്.എസ്.എൽ.സി (കേരള സിലബസ്) യോഗ്യത നേടുന്നവർ : 3  പോയിന്റ് 

പരാമർശിച്ച രീതിയിൽ ബോണസ് അർഹതയുണ്ടെങ്കിലും കണക്കാക്കുമ്പോൾ ഒരു അപേക്ഷകന് നൽകുന്ന ബോണസ് പോയിന് പരമാവധി 10 ആയി നിജപ്പെടുത്തുന്നതാണ്.  അതായത് വിവിധ ഇനങ്ങളിലൂടെ ഒരു അപേക്ഷകൻ പത്തോ അതിലധികമോ ബോണസ് പോയിന്റ് അവകാശപ്പെട്ടുണ്ടെങ്കിലും ആയിൽ 10 ആയി നിപ്പെടുത്തുന്നതാണ്.

പത്താം ക്ലാസ്സിൽ ഗ്രേസ് മാർക്ക് ലഭിച്ചിട്ടുള്ള അപേക്ഷകർക്ക് എൻ.സി.സി / സ്കൗട്ട് ,Guides,Little Kites,Student Police,JRC എന്നിങ്ങനെയുള്ള ബോണസ് പോയിന്റ് ലഭിക്കില്ല.

8. വിഭിന്ന ശേഷി വിഭാഗത്തിലുള്ള (IED) കുട്ടികൾ 40 % അധികം വൈകല്യം തെളിയിക്കുന്നതിനുള്ള മെഡിക്കൽ ബോർഡ് സർട്ടിഫിക്കറ്റ് അപ് ലോഡ് ചെയ്യണം അവർക്ക് ഒന്നാമത്തെ ഒപ്ഷനിൽ തന്നെ അഡ്മിഷൻ ലഭിക്കുന്നതാണ് IED മെഡിക്കൽ ബോർഡ് വെരിഫിക്കേഷൻ (പ്രാക്ടിക്കൽ വിഷയങ്ങൾ പഠിക്കാൻ സാധിക്കുമോ എന്ന് പരിശോധിക്കാൻ) നടക്കുകയാണെങ്കിൽ അറിയിക്കുന്നതാണ്. വിഭിന്നശേഷി സർട്ടിഫിക്കറ്റ് അപ് ലോഡ് ചെയ്യുന്നതിന്ന് 100k b PDF ഫയൽ ആകണം

9.ലോഗിൻ Password create ചെയ്യുമ്പോൾ one capital letter, one small letter,one number,one special character എന്നിവ ഉൾപ്പെടുന്ന എട്ടക്ക പാസ് വേഡ് വേണം ലോഗിൻ ക്രിയേറ്റ് ചെയ്യുന്നതിന്.

10. രജിസ്ട്രേഷൻ വിവരങ്ങൾ ഒഴികെയുള്ള മറ്റ് വിവരങ്ങൾ അപേക്ഷ കൺഫേം ചെയ്താൽ പിന്നിട് ട്രയൽ അലോട്ട്മെൻ്റ് സമയത്ത് തിരുത്താൻ സാധിക്കയുള്ളൂ. അപേക്ഷ വിവരങ്ങൾ എപ്പോൾ വേണമെങ്കിലും നിങ്ങളുടെ ലോഗിനിടേ കാണാൻ സാധിക്കും

11.സർക്കാർ സ്കൂളുകളിൽ മാത്രമെ EWS(മുന്നോക്കക്കാരിലെ സാമ്പത്തികമായി പിന്നാക്കം നിൽക്കുന്നവർക്ക് അനുവദിച്ച 10% റിസേർവേഷൻ) സംവരണം ഉണ്ടായിരിക്കുകയുള്ളൂ 

12.ഈ വർഷം  സ്കൂളിൽ നിന്നും ലഭിക്കുന്ന ക്ലബ് സർട്ടിഫിക്കറ്റുകൾ ഉപയോഗിക്കാം.

13.പഞ്ചായത്ത് (Local Body) SSLC സർട്ടിഫിക്കറ്റിലുള്ളത് ആണ് നൽകേണ്ടത്.എന്നാൽ ലോക്കൽ ബോഡി SSLC സർട്ടിഫിക്കറ്റിൽ ഉള്ളതിൽ നിന്നും വ്യത്യസ്തം ആണ് എങ്കിൽ റേഷൻ കാർഡോ നേറ്റിവിറ്റി സർട്ടിഫിക്കറ്റോ ഹാജരാക്കേണ്ടതാണ്.

14.Plus One  പ്രവേശനത്തിന്‌ നേറ്റിവിറ്റിയും ജാതിയും തെളിയിക്കുന്നതിന്‌ SSLC സര്‍ട്ടിഫിക്കറ്റ്‌ മതി. SC/ST/OEC വിഭാഗത്തപ്പെട്ട കുട്ടികൾ മാത്രമേ പ്രവേശന സമയത്ത്‌ വില്ലേജ്‌ ആഫീസില്‍ നിന്നുള്ള ജാതി സര്‍ട്ടിഫിക്കറ്റുകള്‍ ഹാജരാക്കേണ്ടതുള്ളൂ..

15.എയ്‌ഡഡ്‌  സ്കൂളുകളിൽ ഓപ്പൺ മെറിറ്റ് 50 ശതമാനവും, 20 ശതമാനം മാനേജ്‌മെന്റ് സീറ്റും 10 ശതമാനം അതാത് മാനേജ്‌മെന്റിന്റെ കമ്യൂണിറ്റിയിലുള്ള കുട്ടികളെ മെറിറ്റ് അടിസ്ഥാനത്തിലും പ്രവേശിപ്പിക്കാം.10% സീറ്റിൽ മതിയായ കുട്ടികൾ ഇല്ല എങ്കിൽ അത് ഓപ്പൺ മെറിറ്റിലേയ്ക്ക് മാറ്റുന്നതാണ്.  SC :12 ശതമാനം ST :8 ശതമാനവുമാണ്. വിഭിന്ന ശേഷി :ഓപ്പൺ മെറിറ്റിന്റെ 3 ശതമാനം, സ്പോർട്സ് ക്വാട്ട ഓപ്പൺ മെറിറ്റിന്റെ 5 ശതമാനം ആണ് .

16.ഗവണ്മെന്റ്  സ്കൂളുകളിൽ 42 ശതമാനം ഓപ്പൺ മെറിറ്റ്,ETB(ഈഴവ,തിയ്യ,ബില്ലവ) 8 ശതമാനം, മുസ്‌ലിം  7  ശതമാനം,ലത്തീൻ കത്തോലിക്കാ, SIUC,ആംഗ്ലോ ഇന്ത്യൻ 3%.OBX-1%, DV 2%, VK-2%,KU 1%, KN 1%, OBH 3%, EWS 10%, SC :12% ST :8 %. വിഭിന്ന ശേഷി :ഓപ്പൺ മെറിറ്റിന്റെ 3 ശതമാനം, സ്പോർട്സ് ക്വാട്ട ഓപ്പൺ മെറിറ്റിന്റെ 5 ശതമാനം ആണ് .

17.ന്യൂനപക്ഷ പിന്നാക്ക സമുദായ എയ്‌ഡഡ്‌ സ്കൂളുകളിൽ ഓപ്പൺ മെറിറ്റ് 40 ശതമാനവും,20 ശതമാനം മാനേജ്‌മെന്റ് സീറ്റും 20 ശതമാനം അതാത് സമുദായത്തിലെ  കുട്ടികളെ മെറിറ്റ് അടിസ്ഥാനത്തിലും പ്രവേശിപ്പിക്കാം. SC :12 ശതമാനം ST :8 ശതമാനം,വിഭിന്ന ശേഷി :ഓപ്പൺ മെറിറ്റിന്റെ 3 ശതമാനം, സ്പോർട്സ് ക്വാട്ട ഓപ്പൺ മെറിറ്റിന്റെ 5 ശതമാനം ആണ് .

18.പട്ടികജാതി/ പട്ടികവർഗ സംവരണ സീറ്റുകളിലേയ്ക്ക് മതിയായ അപേക്ഷകരില്ലെങ്കിൽ അവശേഷിക്കുന്ന അത്തരം ഒഴിവുകളിലേയ്ക്ക് ആദ്യം അനുബന്ധം 2 ലെ Other Eligible Communities (OEC) ഉൾപ്പെട്ട ഒ.ഇ.സി (പട്ടികവർഗം) 12 വിഭാഗങ്ങളേയും,ഒ.ഇ.സി പട്ടികജാതി) 8 വിഭാഗങ്ങളേയും മാത്രമേ പരിഗണിക്കുകയുള്ളൂ. അതിനു ശേഷവും ഒഴിവുകളുണ്ടെങ്കിൽ അത്തരം സീറ്റുകളെ പൊതു മെറിറ്റ് സീറ്റുകളായി പരിഗണിച്ച് ഒ.ബി.സി.യിലെ ഈഴവ മുസ്ലീം ലത്തീൻ കത്തോലിക്കാ /SIUC/ ആഗോ ഇൻഡ്യൻ, മറ്റ് പിന്നോക്ക ഹിന്ദു വിശ്വകർമ്മ അനുബന്ധ വിഭാഗങ്ങൾ എന്നീ വിഭാഗങ്ങൾക്ക് സർക്കാർ സ്കൂളുകളിൽ അവർക്ക് ലഭിക്കുന്ന സംവരണതമാനപ്രകാരവും അവശേഷിക്കുന്ന സീറ്റുകൾ ജനറൽ വിഭാഗത്തിനും നൽകും. സർക്കാർ സ്കൂളുകളിലും എയിഡഡ് സ്കൂളുകളിലും പട്ടികജാതി പട്ടികവർഗ സീറ്റുകളിലേയ്ക്കുള്ള ഒഴിവുകൾ നികത്തുന്നത് ഒരേ മാനദണ്ഡങ്ങളനുസരിച്ചായിരിക്കും.

പ്ലസ് വൺ പ്രോസ്പെക്ടസ്-2025  ഡൗൺലോഡ് ചെയ്യാൻ ഈ ലിങ്കിൽ ക്ലിക്ക് ചെയ്യുക.

Schools with Linguistic Minority Reservation

സംവരണ അനുകൂല്യമുള്ള സമുദായങ്ങളുടെ പട്ടിക ലഭിക്കുവാൻ ഇവിടെ ക്ലിക്ക് ചെയ്യുക (Appendix-2)

OEC യുടെ സാമ്പത്തിക സംവരണമുള്ള OBC കമ്യൂണിറ്റികൾ അറിയാൻ ഈ  ലിങ്കിൽ ക്ലിക്ക് ചെയ്യുക  (Appendix-3)

സ്കൂൾ പ്രഥമാധ്യാപകർ നൽകേണ്ട ക്ലബ് സർട്ടിഫിക്കറ്റുകളുടെ മാതൃക ലഭിക്കാൻ ഇവിടെ ക്ലിക്ക് ചെയ്യുക.

അപേക്ഷ ഓൺലൈനായി സമർപ്പിക്കുവാനുള്ള അവസാന തീയതി മേയ് 20 ആയിരിക്കുന്നതാണ്.

ഏകജാലക അഡ്മിഷൻ ഷെഡ്യൂൾ-2025

ഓൺലൈൻ അപേക്ഷ തുടങ്ങുന്നത്:14/05/2025

ഓൺലൈൻ അപേക്ഷ അവസാനിക്കുന്ന തീയതി:20/05/2025

ട്രയൽ അലോട്ട്‌മെന്റ് തീയതി : മേയ് 24

ആദ്യ അലോട്ട്‌മെന്റ് തീയതി  : ജൂൺ 2

മുഖ്യ അലോട്മെന്റ് അവസാനിക്കുന്നത് :ജൂൺ 17 

ക്ലാസുകൾ ആരംഭിക്കുന്നത്: ജൂൺ 18 

www.rrvgirls.com

സപ്ലിമെന്ററി  ഘട്ടം 

28-06-2025 മുതൽ 23-07-2025 വരെ.

അഡ്മിഷൻ അവസാനിക്കുന്നത്: 23-07-2025

മാനേജ്‌മെന്റ് സീറ്റ് 

മാനേജ്‌മെന്റ് സീറ്റ് അഡ്മിഷൻ ആരംഭിക്കുന്നത് : 10-06-2025

പ്രവേശനം അവസാനിക്കുന്നത് :17-06-2025

അഡ്മിഷൻ ലഭിച്ച കുട്ടികളുടെ ഡേറ്റ ഓൺലൈൻ ചെയ്യുന്നത്  10-06-2025 മുതൽ 17-06-2025 വരെ.

സപ്ലിമെന്ററി  ഘട്ടം 

പ്രവേശനം ആരംഭിക്കുന്നത്  :18-06-2025

പ്രവേശനം അവസാനിക്കുന്നത് :27-06-2025

അഡ്മിഷൻ ലഭിച്ച കുട്ടികളുടെ ഡേറ്റ ഓൺലൈൻ ചെയ്യുന്നത് 18-06-2025 മുതൽ 27-06-2025 വരെ.

സ്പോഴ്‌സ് ക്വാട്ട

സ്പോഴ്‌സ് ക്വാട്ട മികവ് രജിസ്‌ട്രേഷനും വെരിഫിക്കേഷനും  23-05-2025 മുതൽ 28-05-2025  വരെ.

ഓൺലൈൻ രജിസ്‌ട്രേഷൻ ആരംഭിക്കുന്നത്: 24-05-2025 

ഓൺലൈൻ രജിസ്‌ട്രേഷൻ അവസാനിക്കുന്നത് : 29-05-2025 

സ്പോർട്സ് ക്വാട്ട മുഖ്യ ഘട്ട ആദ്യ അലോട്മെന്റ് തീയതി: 03-06-2025

സ്പോർട്സ് ക്വാട്ട മുഖ്യ ഘട്ട അവസാന അലോട്മെന്റ് തീയതി: 16-06-2025

സ്പോഴ്‌സ് ക്വാട്ട സപ്ലിമെന്ററി  ഘട്ടം  

സ്പോഴ്‌സ് ക്വാട്ട മികവ് രജിസ്‌ട്രേഷനും വെരിഫിക്കേഷനും  18-06-2025 മുതൽ 20-06-2025  വരെ .

ഓൺലൈൻ രജിസ്‌ട്രേഷൻ  ആരംഭിക്കുന്നത്: 19-06-2025

അപേക്ഷ സമർപ്പിക്കേണ്ട അവസാന തീയതി: 21-06-2025

സ്പോർട്സ് സപ്ലിമെറ്ററി അലോട്മെന്റ് തീയതി: 25-06-2025

സപ്ലിമെന്ററി സ്പോഴ്‌സ് ക്വാട്ട പ്രവേശനം അവസാനതീയതി : 26-06-2025

കമ്യൂണിറ്റി ക്വാട്ട

കമ്യൂണിറ്റി ക്വാട്ട അപേക്ഷ വിതരണം ആരംഭിക്കുന്നത്: 29-05-2025

കമ്യൂണിറ്റി ഡേറ്റ എൻട്രി ആരംഭിക്കുന്നത് : 29-05-2025

കമ്യൂണിറ്റി ഡേറ്റ എൻട്രി പൂർത്തിയാക്കേണ്ട തീയതി: 05-06-2025

റാങ്ക് ലിസ്റ്റ് പ്രസിദ്ധീകരിക്കുന്നത്: 09-06-2025

അഡ്മിഷൻ ആരംഭിക്കുന്നത് : 10-06-2025

കമ്യൂണിറ്റി ക്വാട്ട  സപ്ലിമെന്ററി  ഘട്ടം  

കമ്യൂണിറ്റി ക്വാട്ട അപേക്ഷ വിതരണം ആരംഭിക്കുന്നത്: 18-06-2025

കമ്യൂണിറ്റി ഡേറ്റ എൻട്രി ആരംഭിക്കുന്നത് : 18-06-2025

കമ്യൂണിറ്റി ഡേറ്റ എൻട്രി പൂർത്തിയാക്കേണ്ട തീയതി: 20-06-2025

റാങ്ക് ലിസ്റ്റ് പ്രസിദ്ധീകരിക്കുന്ന തീയതി: 23-06-2025

അഡ്മിഷൻ ആരംഭിക്കുന്നത് : 23-06-2025 മുതൽ 27-06-2025 വരെ 

അൺ-എയ്ഡഡ്  ക്വാട്ട സപ്ലിമെന്ററി അഡ്മിഷൻ 

പ്രവേശനം ആരംഭിക്കുന്ന തീയതി  : 10-06-2025

പ്രവേശനം അവസാനിപ്പിക്കുന്ന തീയതി: 17-06-2025

അഡ്മിഷൻ ലഭിച്ച കുട്ടികളുടെ ഡേറ്റ ഓൺലൈൻ ചെയ്യുന്നത് 10-06-2025 മുതൽ 17-06-2025  വരെ.

സപ്ലിമെന്ററി  ഘട്ടം 

പ്രവേശനം ആരംഭിക്കുന്ന തീയതി  : 18-06-2025

പ്രവേശനം അവസാനിപ്പിക്കുന്ന തീയതി: 16-07-2025

അഡ്മിഷൻ ലഭിച്ച കുട്ടികളുടെ ഡേറ്റ ഓൺലൈൻ ചെയ്യുന്നത്  18-06-2025 മുതൽ  16-07-2025 വരെ.

⭕⭕⭕⭕⭕⭕⭕⭕⭕⭕⭕⭕⭕⭕⭕⭕⭕⭕⭕⭕⭕⭕⭕⭕⭕⭕⭕⭕

Plus One അഡ്മിഷനുമായി ബന്ധപ്പെട്ട വിവരങ്ങളും  Plus One സ്റ്റഡി നോട്ടുകൾ വീഡിയോ ക്ലാസുകൾ, മോഡൽ പരീക്ഷകൾ എന്നിവ ലഭിക്കാൻ ഈ വാട്ട്സ്ആപ്പ് ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

Plus One ഏകജാലകവുമായി ബന്ധപ്പെട്ട സംശയങ്ങൾക്ക് വിളിക്കൂ ...

Admin || Vishnu Kalpadakkal, HSST Computer Science, RRVGHSS Kilimanoor, Mob:6238060572, 9048904990